Aulkiaren arima bihurritutako egurrezko pieza bakarra, bere biluztasuna, erosotasuna… atseden hartu, eseri eta pentsatzeko gonbidapen ezin hobea.

Hemen gertu sortu arren Europako iparraldera bidaiatzera garamatza, ez da erraza (inoiz ez da erraza izan) hain modu dotorean funtzionaltasuna eta estetika lotzea.

1958an jaio arren ez da zahartzarora iritsi, eremu berezien sortzaile, argia zizelkatzeko, emateko eta giro bereziak sortzeko gai.

Pariseko Palais Royale lorategien ondoan sortuak; hain oihal delikatua indar erakusle, lihoa beti gure artean: “hitzen lihoa iruten, bere barnean irauten…” dio gure kanta berezi batek.

Bat-bateko artea, orri bat gustuko ez izan arren harri bitxi bat aurki dezakezu hurrengoan; Javier Pagolak bere koadernoak komentatzen dituen You tubeko bideoak ikustea plazer hutsa.

Gaurko diseinua izan arren gure aiton- amonen oroigarri; bere xehetasunak edertasun ez-perfektuaren eta retroaren erakusle.

Seia (bere aldeen kopurua) zenbaki perfektua dela diote; erleek eraikitzen duten abaraska bailitzan bizitza emari.

Bizitza dakarte, natura gure etxera sartzeko gai, hazten eta garatzen ikustea gure begien gozagarri.